Diwrnod 73: Gweddïo dros Famau a Phlant (1946)

Diwrnod 73 o 150 Diwrnod o Weddi.

• ‘Ac eto, dw i’n dal gyda thi; rwyt ti’n gafael yn dynn ynof fi’ (Salm 73:23).

1946

Roedd rhifyn Hydref-Tachwedd o’r Deliverer yn cynnwys erthygl gyda’r teitl ‘I Famau a Babanod’: 

‘Flynyddoedd yn ôl, cafodd fam ddibriod, a oedd yn alltud o’i theulu parchus, ymweliad gan un o’r swyddogion cymdeithasol oedd yn gweithio’n benodol gyda menywod. Cafodd y swyddog ei digalonni wrth weld y ferch. 

‘O’r foment honno, aeth ati i sicrhau nad oedd unrhyw ferch arall yn yr un sefyllfa trwy sefydlu ysbyty mamolaeth. Dyma phryd y dechreuodd Northlands yng Nghaerdydd ei gwaith. Mae bellach yn ganolfan sy’n defnyddio pob math o ddulliau modern i gynorthwyo mamau a’u plant. Mae galw mawr am y llety sy’n cael ei ddarparu ganddynt. 

‘Y swyddog a oedd yn gyfrifol oedd yr Is-gyrnol Agnes Swain... un o’i lleoliadau cyntaf oedd yn lloches menywod Stryd Hanbury, yn Ne Ddwyrain Llundain a hynny yn ystod cyfnod “Jack the Ripper”’.

Gweddi

• Diolchwch i Dduw am eich mam chi neu’r person oedd yn fam i chi. 
• Gweddïwch dros famau sengl sy’n cael trafferth gyda’r perthnasau yn eu teuluoedd nhw. 
• Gweddïwch dros famau sydd wedi colli’u gwŷr yn sydyn ac felly yn magu plant ifanc ar eu pen eu hunain.