Diwrnod 35: Gweddïo dros bobl ifanc sy’n wynebu brwydr yn eu bywydau (1908)

Diwrnod 35 o 150 Diwrnod o Weddi.

• ‘Wedyn bydda i’n dweud wrth bawb dy fod ti’n gwneud beth sy’n iawn. Bydda i’n canu mawl i ti drwy’r dydd.’ (Salm 35:28).

1908

Dyma storïau cryno am aelod o Fyddin yr Iachawdwriaeth a merch 15 mlwydd oed, Sarah Williams.

Pennawd War Cry ar Ionawr 11eg oedd ‘Lladdwyd yn y gwaith’. Noda’r erthygl: ‘Teimlwyd tristwch ofnadwy yn Pentre wedi marwolaeth dyn ifanc a gafodd ei ladd yn y pwll glo ar ddydd Sadwrn. Dydd Sul diwethaf roedd yn pregethu ac wedi trefnu i fynd a gwneud y penwythnos hwn hefyd.

‘Cafodd y cyfarfodydd eu harwain gan Adjutant Hall. Yn ystod y noson honno, aeth gwrthgiliwr, a oedd yn gymydog i’r dyn ifanc fu farw, ymlaen i edifarhau.’ 

Nododd cartref preswyl y wybodaeth ganlynol:

• Enw: Sarah Williams
• Oedran: 15      
• O le? Caerffili
• Math o gais: Gan swyddog corfflu
• Wedi cael eich carcharu? Na
• Wedi bod yn gaeth i ddiod? Na
• Wedi bod mewn cartref arall? Na
• [Ymadawiad] I le? Wedi rhedeg i ffwrdd.
• Boddhad wrth ymadael: Heb ei boddhau. Wedi achosi trafferth yn ystod ei hamser yn y cartref.

Gweddi

• Gweddïwch dros y rheini sy’n rhoi cymorth un-wrth-un ac yn dysgu’r bobl ifanc hyn sy’n wynebu her yn y system addysg brif ffrwd.