Diwrnod 30: Deffroad Ysbrydol (1903)

Diwrnod 30 o 150 Diwrnod o Weddi.

• ‘Canwch i’r Arglwydd, chi sy’n ei ddilyn yn ffyddlon, a’i foli wrth gofio mor sanctaidd ydy e!’ (Salm 30:4).

1903

'Dechreuodd cyffroadau cyntaf y Diwygiad Cymreig yn 1904 yn ardal Cei Newydd, porthladd ar arfordir gorllewinol Cymru. Joseph Jenkins oedd y gweinidog yn y capel Methodistaidd Calfinaidd yng Nghei Newydd. Cafodd Jenkins ei eni yn y Rhondda yn 1859 a chafodd ei fagu ar aelwyd grefyddol. ‘Fel bachgen yn ei arddegau cafodd ei ysbrydoli gan gyffro efengylaidd Byddin yr Iachawdwriaeth. Ar ôl bod yn weinidog yng Nghaerffili a Lerpwl, aeth i Gei Newydd yn 1892.

‘Erbyn 1903, roedd Jenkins, a’i nai John Thickens, a oedd yn weinidog yn Aberaeron, wedi eu dadrithio gan sefyllfa’r eglwys a’u cenhadaeth eu hunain. Sylweddolwyd ar leihad ysbrydol yn yr eglwys gyda phobl yn edrych tuag at y ‘byd’ er mwyn cael ‘Iwtopia gymdeithasol’. Wrth ymdrechu i newid y lleihad, awgrymodd Jenkins a Thickens i’r gweinidogion lleol y dylid trefnu cyfres o gynadleddau ar y thema dyfnhau bywyd ysbrydol. Cytunodd y gweinidogion eraill a chafodd y gynhadledd gyntaf ei chynnal yng Nghei Newydd dros y Flwyddyn Newydd.  Yn ôl Thickens, roedd dyhead cryf i gael adnabod cariad Duw yn ystod y gynhadledd.

‘Yn Chwefror, cafodd Jenkins ei ddilyn adref ar ôl un o wasanaethau’r Sul, gan ferch ifanc o’r enw Florrie Evans. Dywedodd wrtho ‘...Gwelais y byd yn y bregeth heno, a dw i o dan ei draed; ni allai fyw fel hyn.’ Dywedodd Jenkins wrthi i gydnabod Arglwyddiaeth Crist ar ei bywyd. 

‘Yn ystod cyfarfod i bobl ifanc y Sul canlynol, safodd Florrie ar ei thraed gan weiddi ‘Dw i’n caru Iesu gyda’m holl galon’. Teimlodd dwy ferch ifanc arall, Maud Davies a May Phillips gariad Iesu'r noson honno hefyd. Dechreuodd y bobl ifanc fynd i ymweld ag eglwysi eraill gan rannu eu bendithion. Fe ellir dadlau mae hwn oedd ddechreuad yr Diwygiad Cymreig yn 1904.’ 

(UKWells.org)

Gweddi

• Gweddïwch y byddwch chi a phobl eraill, fel Florrie Evans, yn sefyll ar eich traed ac yn dweud, ‘Rwy’n caru’r Arglwydd Iesu gyda’m holl galon.’
• Gwnewch hynny nawr yn eich amser gweddi – sefwch ar eich traed a dywedwch yn uchel, ‘Rwy’n dy garu di Arglwydd Iesu, gyda’m holl galon.’