Diwrnod 28: Bendith y sawl sy’n dioddef o salwch (1901)

Diwrnod 28 o 150 Diwrnod o Weddi.

• ‘Achub dy bobl! Bendithia dy bobl sbesial! Gofala amdanyn nhw fel bugail a’u cario yn dy freichiau bob amser!’ (Salm 28:9).

1901

‘Draw Dros yr Afon – Yn awyddus i Barhau yn y Frwydr - Salwch wedi ei Orfodi o’r Maes - Brwydr Ddewr hyd y Diwedd.

‘Fe gollwyd un o brif aelodau Byddin yr Iachawdwriaeth yn Wrecsam pan fu farw ein brawd Dick Jones. Bu farw’n orfoleddus a chafodd ei ddyrchafu i Ogoniant.  Nid ydym yn gwybod pam y mae rhai yn ein gadael ni mor ifanc, ond rydym wedi dysgu mai “Ewyllys Duw a wneler”.

‘Roedd Jones wedi bod yn weithgar iawn yn ei wasanaeth i Dduw, ac ar un adeg, swyddog oedd ef. Yn anffodus, roedd ei iechyd yn wael ac felly argymhellwyd iddo y dylai ymddeol... Serch hyn, ni ymlaciodd, ac felly daeth yn aelod o gorfflu Wrecsam, nid yn unig fel milwr ond fel gweithiwr, yn cynrychioli Byddin yr Iachawdwriaeth ar lefel leol.

‘Mi oedd mwyaf hapus yn gweithio yn trio achub dynion a merched. O ganlyniad i’w waith caled cafodd ei gomisiynu fel y Swyddog Recriwtio. Er tristwch mawr i’w ffrindiau pan waethygodd ei iechyd eto. Ond ar ôl salwch hir a phoenus, bu farw yn orfoleddus...’

(War Cry Chwefror 9fed, 1901)

Roedd Jones yn un o nifer o swyddogion a bu farw o ganlyniad i bwysau’r swydd. Roedd yn rôl ymdrechgar iawn ac roedd Booth hefyd yn Gadfridog oedd yn gofyn llawer. Yn y dyddiau hynny doedd dim Gwasanaeth Iechyd Gwladol ac felly roedd y ddarpariaeth feddygol yn brin iawn. 

Mae’r erthygl hefyd yn adleisio agwedd Byddin yr Iachawdwriaeth at farwolaeth: bu farw’n orfoleddus a chafodd ei ddyrchafu i Ogoniant.

Gweddi

• Gweddïwch dros y rheini sy’n gorfod newid eu ffordd o fyw o ganlyniad i’w hiechyd, ond sy’n parhau i wasanaethu’r Arglwydd.
• Gweddïwch hefyd dros ffrindiau a theulu'r rheini sydd wedi colli pobl yn ddiweddar.prif gyhoeddwyr y Beibl yn Gymraeg.