Diwrnod 18: Bendith Cei Connah (1891)

Diwrnod 18 o 150 Diwrnod o Weddi.

• ‘Ydy mae’r Arglwydd yn fyw! Bendith ar y graig sy’n fy amddiffyn i! Boed i Dduw wnaeth fy achub i, gael ei anrhydeddu!’ (Salm 18:46).

1891

‘Tua 10 wythnos yn ôl dechreuodd Byddin yr Iachawdwriaeth yma (Cei Connah) mewn hen ysgubor wedi ei thrawsnewid i fod yn farics. Roedd cynulleidfa fawr er gwaetha’r glaw a’r eira. Daeth ambell aelod o Fagillt draw i helpu gyda’r agoriad.’

(War Cry Chwefror 27ain, 1892)

‘Difethwyd y diafol. Rydym yn ymladd ac yn ennill trwy waed a thân.’

(War Cry Tachwedd 19eg, 1892)

Roedd y Fyddin yn boblogaidd iawn yn ystod y cyfnod Fictoraidd. Mabwysiadodd rhai elfennau o’r Eglwys trosiadau milwrol a’r syniad o Gristnogaeth gyhyrog. Cymerodd Booth y cysyniad hwn i lefel uwch ar ôl newid mudiad wedi’i arwain gan bwyllgor, y Genhadaeth Gristnogol, yn Fyddin yr Iachawdwriaeth yn 1878, wedi’i harwain yn unbenaethol.  Mae’r adroddiadau uchod yn efelychu’r newid hwn gyda’r defnydd o dermau megis “barics, ymladd, buddugoliaeth” yn ogystal â chysylltu’r syniad o’r “gelyn” gyda’r Diafol. Cyflwynodd y Fyddin ei stori fel y frwydr yn erbyn pechodau a drygioni cymdeithasol.

Gweddi

• Gweddïwch dros Gorfflu Cei Connah wrth iddynt archwilio ei bwrpas, genhadaeth a gwasanaeth i’w gymuned. Llawenhewch gyda nhw wrth i berthnasoedd newydd gael eu ffurfio.
• Gweddïwch na fyddwn yn anghofio bod ein stori yn parhau i adlewyrchu ein brwydr yn erbyn pechod a drygioni cymdeithasol.