Diwrnod 150: Gweddïo dros Rhyl a Gwasanaethau Cymorth Digartrefedd Casnewydd a siopau a chanolfannau rhoddion SATCoL (2023)

Tachwedd 14eg

Diwrnod 150 o 150 Diwrnod o Weddi.

'Molwch e drwy chwythu’r corn hwrdd! Molwch e gyda’r nabl a’r delyn! Molwch e gyda drwm a dawns! Molwch e gyda llinynnau a ffliwt!' (Salm 150:3 a 4).

2023

Ysgrifenna Catherine Docherty (Rheolwr Rhanbarthol Cynorthwyol Gwasanaethau Digartref):

Mae prosiect TEASP (Temporary Emergency Accommodation Supported Project) ar hyn o bryd yn cynnig gwasanaeth cefnogaeth symudol i ddinasyddion sydd mewn gwasanaethau dros dro yn Sir Dinbych. Enillodd Byddin yr Iachawdwriaeth y cytundeb i gynnig y cymorth hwn ym mis Ebrill 2023. Mae TEASP yn cynnig dull holistaidd gyda’r nod o rymuso dinasyddion i wella’u lles tra’n byw mewn llety dros dro a datblygu sgiliau hanfodol ar gyfer eu hannibyniaeth yn y dyfodol.

Mae sylw yn cael ei roi i’r meysydd canlynol:

Cymuned - Cefnogaeth gyfunol i gysylltu gydag eraill yn y gymuned, gan gynnwys cymryd rhan mewn amrywiaeth eang o weithgareddau, gwirfoddoli, sgiliau cyflogadwyedd a dysgu.
Cartref – Cymorth gyda phob agwedd o sicrhau llety dros dro yn ogystal â pharatoi i ennill sgiliau ar gyfer y dyfodol.
Corff – Cefnogaeth i gael mynediad i wasanaethau iechyd argyfwng a chymunedol. Lle’n mae’n bosib hefyd, cefnogaeth i leihau niwed wrth ymwneud ag alcohol a chyffuriau.
Meddwl - Cefnogaeth i gael mynediad i wasanaethau iechyd argyfwng a chymunedol gyda gweithgareddau sy’n canolbwyntio ar les a meddylgarwch.
Ysbryd - Cefnogaeth i gael mynediad at gyswllt ysbrydol trwy ddatblygu cyfeillgarwch ag eraill, eglwysi cymunedol a grwpiau gyda mynediad at Gaplan a chefnogaeth corfflu.
Dyfodol - Cefnogaeth i ddatblygu hyder, awdurdod a hunangred ar gyfer y dyfodol.

Mae’r prosiect dal yn un newydd ac ar ddechrau’r daith. Mae wedi cael ei gefnogi gan Gorfflu Rhyl. Rydym yn gyffrous i weld beth ddaw yn y dyfodol.

Ysgrifenna’r Trevor Caffull (SATCoL):

‘Yn 2020, wrth i’r cyfnod clo cyntaf ddod i ben, roedd angen i Gwmni Masnach Byddin yr Iachawdwriaeth (SATCoL) wneud penderfyniadau anodd am nifer o’i siopau elusen, gan gynnwys siop Wrecsam. Gyda thipyn o dristwch, caewyd drws y siop am y tro cyntaf, neu dyna beth oedden ni’n meddwl!

‘Yn fuan wedyn, cafodd rhydd-ddaliad y siop ei werthu a daeth perchennog newydd y siop at SATCoL i weld a fydden nhw â diddordeb i rentu’r siop gyda rhent llai. Ar ôl i SATCoL ystyried y peth, fe gytunwyd. Christina y rheolwr a yn arwain ei thîm gyda chenhadaeth wrth galon y peth ac maent yn ymateb i’w nod, ‘Daring to Care’, dros y gymuned, dros eu cwsmeriaid a dros ei gilydd. Mae timoedd hapus yn dueddol o fod yn dimoedd llwyddiannus, ac mae’r hyn a ddaeth yn sgil hyn yn anhygoel. Cynyddwyd gwerthiannau, daeth elw yn ôl a darparwyd cenhadaeth...ac yn 2023 derbyniodd Christina, ar ran y tîm yn y siop, wobr yn cydnabod Wrecsam fel siop SATCol gorau’r flwyddyn.’

Ym mis Orffennaf 2023, cafodd Gwasanaethau Digartrefedd Byddin yr Iachawdwriaeth yng Nghymru, gyfle i gynnig prosiect estyn allan newydd yng Nghasnewydd, wedi ei gefnogi gan Gorfflu Casnewydd i ddechrau. Ers symud i’n cartref newydd yn Queens School House, mae’r prosiect wedi estyn allan i gefnogi pobl ddigartref neu bobl mewn llety dros dro. Mae sesiynau galw mewn yn cael eu cynnal 7 diwrnod yr wythnos ac mae amryw o asiantaethau yn cynnig eu cefnogaeth. Ers hynny, mae’r gwasanaeth wedi ei hailenwi yn ‘Drws Agored’. Dyma adlewyrchiad gwych o’r croeso mae Byddin yr Iachawdwriaeth yn ei chynnig i bawb, yn enwedig y rheini sydd angen cymorth y mwyaf.

(Dirprwy Rheolwr Rhanbarthol Gwasanaethau Digartrefedd)

‘Fy Stori’ gan Paul Sass:

‘Noson o ddiffyg cwsg’ ym mis Chwefror 2021 oedd wrth wraidd galwad newydd gan yr Arglwydd. Mae’n gliriach i mi nawr, mae cyfuniad o sawl achlysur a ddefnyddiwyd gan yr Arglwydd i’m harwain, siapio a’m paratoi ar gyfer cyfeiriad newydd yn fy mywyd. Yr achlysuron hynny oedd: llifogydd yn y strydoedd o amgylch fy nghorfflu cartref ym Mhentre (Chwefror 2020), gweinidogaeth stepen drws a dros y ffôn yn y Rhondda - gyda’m wraig - yn ystod cyfnodau clo Covid (Mawrth - Orffennaf 2020), a gweithio gyda Phencadlys Adran Cymru er mwyn sicrhau dychweliad diogel i addoli wyneb yn wyneb (Awst - Medi 2020), yn ogystal â’m gwaith fel aelod o’r Uwch Dîm Arwain mewn ysgol uwchradd brysur yn Ne Cymru. Dyma oedd rhai o’r profiadau mwy arwyddocaol a oedd wrth wraidd y galwad newydd hwn gan Dduw a’m taith i hyfforddiant i fod yn Swyddog ym Myddin yr Iachawdwriaeth.

Sgwrs ddidwyll gyda’r Uwchgapten Steve Wilson ar ôl fy ‘noson o ddiffyg cwsg’ a arweiniodd at fy ngwerthfawrogiad o’r hyn yr oedd Duw yn rhoi imi a bod Duw, o ddifri yn fy ngalw i symud o’m ngyrfa fel athro i yrfa yn y weinidogaeth. Dyma felly dechrau taith newydd o ffydd ac ufudd-dod, i’m hunan ac i’m teulu...taith sydd ar hyn o bryd wedi f’arwain i ganol fy hyfforddiant i fod yn swyddog - siwrne sydd wedi bod yn llawn bendithion a gras wrth i mi ymrwymo i ddilyn arweiniad yr Arglwydd. Trystia’r Arglwydd yn llwyr; paid dibynnu ar dy syniadau dy hun. Gwrando arno fe bob amser, a bydd e’n dangos y ffordd iawn i ti.’ (Diarhebion 3:5-6).

Yng Ngorffennaf 2024, cafodd Paul ei gomisiynu yng Nghymru, trwy gyfrwng y Gymraeg, fel swyddog sy’n medru’r Gymraeg. Digwyddodd rywbeth tebyg dros 130 o flynyddoedd cynt, gyda swyddogion Cymraeg eu hiaith, yn cael eu comisiynu yng Nghymru ac yn cael eu penodi i Gymru!

Gweddi

Diolchwch i Dduw am ddatblygiad gwasanaethau sy’n cefnogi pobl fregus yn Wrecsam a Chasnewydd. Gweddïwch eiriau o ddiolch dros y staff sy’n cefnogi’r bobl hyn.
Gweddïwch eiriau o foliant dros y ffyrdd mae SATCoL yn cefnogi Byddin yr Iachawdwriaeth trwy siopau elusen a chanolfannau rhoddion.
Diolchwch i Dduw, hyd yn oed ar ôl yr holl flynyddoedd hyn, fod swyddogion Cymraeg yn cael eu comisiynu yng Nghymru er mwyn gwasanaethu yma yng Nghymru.