Diwrnod 121: Gweddïo dros Gwmbrân (1994)

Diwrnod 121 o 150 Diwrnod o Weddi.

• 'Bydd yr Arglwydd yn dy gadw di’n saff ble bynnag ei di, o hyn allan ac am byth' (Salm 121:8).

1994

Agorwyd neuadd corfflu newydd yng Nghwmbrân ar Dachwedd 5ed 1994. Yn y llyfryn yn nodi’r digwyddiad, roedd tipyn o wybodaeth gefndirol ddiddorol:

‘Yn gynnar yn 1992, penderfynwyd ar gynllun ar gyfer yr adeiladu, adnewyddu ac ehangu’r hen neuadd. Y gost amcangyfrif oedd £91,000. Ym mis Tachwedd y flwyddyn honno, derbyniwyd caniatâd cynllunio ar gyfer maes parcio ar y tir cyferbyn â’r neuadd a chytunwyd ar bris o £5,000...

‘Ond o fewn wythnosau roedd popeth yn mynd i newid o ganlyniad i’r namau difrifol i fframwaith y brif neuadd. Aethpwyd ati yn syth i sicrhau nad oedd y neuadd yn cwympo’n llwyr. Ar ôl archwiliadau, daethpwyd o hyd i fframwaith to gwael a bron â bod dim sylfaeni...

‘O ran y sefyllfa ariannol, doedd dim modd trwsio’r adeiladau, ac felly aethpwyd ati i greu cynlluniau ar gyfer neuadd newydd i gynnwys prif neuadd ac ail neuadd gyda phartisiwn rhyngddynt. Ar y pwynt hwnnw, roedd nifer yn meddwl na fyddai’n bosib ail-adeiladu’r neuadd gyfan o ganlyniad i’r gost. Roedd cefn yr adeiladau yn gryf o ran y fframwaith ac felly roedd posibilrwydd y byddai modd ei adnewyddu...

‘Yn ystod y misoedd a ddilynodd, cynhaliwyd sawl digwyddiad codi arian gan gynnwys taith gerdded noddedig o Lunian i Gwmbrân, taith feicio o Land’s End i John o’ Groats a chyngerdd gan Gôr Meibion Pontnewydd...Yna ym mis Medi 1993, cafwyd wybod efallai bod y corfflu yn gymwys ar gyfer cymhorthdal sylweddol gan Ymddiriedolaeth Bradbury wedi’i leoli yn Hong Kong. Os byddent yn llwyddiannus byddai’n bosib cael adeilad gwbl newydd a fyddai’n costio £285,000. Cyflwynwyd cais ac erbyn diwedd mis Tachwedd cafwyd gair y byddai’r Ymddiriedolaeth yn ariannu 50% o'r gost. Atebwyd sawl gweddi a chafwyd nifer o weddïau o ddiolch!’

Yr uwchgapteniaid Derek a Sue Jones oedd arweinwyr y corfflu rhwng 1991-1993 ac ar eu hôl nhw daeth y Capteiniaid Jayne a Jonathan Roberts a oedd yn bresennol pan agorwyd y neuadd newydd. Mae Derek yn cofio sut addasodd y corfflu pan gaewyd yr hen neuadd:

‘Roedd hi’n ddydd Gwener rhwng Nadolig a’r Flwyddyn Newydd yn 1992 a gan nad oedd rhaglen yn rhedeg, es i ac aelod arall o’r corfflu i drwsio ambell astell a chrac yn y nenfwd...Wrth i ni edrych trwy’r crac yn y nenfwd roedd yn amlwg bod sawl crac mwy yn y trawstiau.

‘Roedd y Swyddog Eiddo yn byw yn agos, ac felly ffonion ni fe er mwyn iddo gael edrych ar y niwed. Aeth i mewn i’r neuadd ac edrych ar y crac gan ddweud y geiriau cofiadwy hyn; “Dw i’n mynd i ôl fy het galed o’r car. Allwch chi glirio’r neuadd a rhoi cadwyn ar y drws?” Doedd dim mwy o addoli yn gallu digwydd yn y neuadd o’r diwrnod honno ymlaen. Roedd addoliad i fod mewn deuddydd ac roedd hefyd cynllun gennym i gael parti Nos Calan ond doedd gennym ddim lleoliad.

‘Ni chawsom barti, ond daeth grŵp o aelodau ffyddlon i gartref y swyddogion ar Nos Calan. Roedd nifer ohonom yn llenwi’r tŷ, ond rhoddwyd diolch i Dduw am holl fendithion y flwyddyn a fu gan ymrwymo i ddilyn Duw am y flwyddyn i ddod.

Llwyddon ni gael defnyddio neuadd yr Eglwys Gatholig ar gyfer gwasanaethau bore Sul. Roedd yr eglwys Anglicanaidd leol hefyd wedi gadael i ni fenthyg ei neuadd nhw er mwyn cynnal Ysgol Sul, a gwasanaethau’r hwyr yn ogystal â benthyg y neuadd ar gyfer ymarferion cerddorol, Brownies a Guides yn ystod yr wythnos. Benthycodd yr Eglwys Ddiwygiedig Unedig eu neuadd ar gyfer cyfarfodydd Home League. Daeth un aelod â hambwrdd bwyd o lyfrau canu, llyfrau tonnau, standiau cerddoriaeth a phob math o eitemau “hanfodol”, heb anghofio rhoi baner y corfflu yng nghefn y car. Am dros ddeunaw mis, llwyddwyd i barhau â gweinidogaeth y corfflu fel crwydriaid.

‘Ar y Sul cyntaf yn neuadd yr Eglwys Gatholig, gofynnais i aelodau’r corfflu edrych o amgylch y gynulleidfa gan gofio pwy oedd yn yr un rhes â nhw, ac os nad oedd y bobl hyn yn bresennol yn ystod y cyfnod i ddilyn, i roi galwad iddynt. Yn ystod y cyfnod hwnnw heb adeilad, ni chollwyd un aelod o’r corfflu - mae hyn yn sicr o ganlyniad i garedigrwydd a gofal aelodau’r corfflu am ei gilydd.

‘Hyd at y diwrnod hwn, dw i ddim yn cael fy nghofio am fy ngofal bugeiliol, fy mhregethu neu fy sgiliau cynllunio a threfnu, ond yn syml fel “y swyddog oedd yma pan gwympodd y neuadd”.’

Gweddi

• Gweddïwch dros y corfflu yng Nghwmbrân. Fel nifer o gorffluoedd eraill, mae’n gwasanaethu’r gymuned mewn dulliau creadigol ac arloesol. Gweddïwch dros weinidogaeth barhaol y corfflu, dros yr arweinwyr a dros y bobl sy’n cael eu hannog trwy’r rhaglen estyn allan.
• Gweddïwch hefyd dros y gwaith gyda phobl ifanc.