Diwrnod 110: Gweddïo dros Ogledd Ddwyrain Cymru (1983)

Diwrnod 110 o 150 Diwrnod o Weddi.

• 'Dywedodd yr Arglwydd wrth fy arglwydd, “Eistedd yma yn y sedd anrhydedd nes i mi wneud dy elynion yn stôl dan dy draed di' (Salm 110:1).

1983

Dyma rai o benawdau o rifyn Cymraeg Bloedd y Gad a gafodd ei gynhyrchu ar gyfer Eisteddfod Llangefni. Cafodd y mwyafrif o sylw ei roi i Ogledd Ddwyrain Cymru.

• Cymru i’r Iesu
• Gad Lef
• Eisteddfod Llangefni 1983 
• Cyfarchiad Douglas H Rayner Gadlywydd Adrannol 
• Ymgyrchu Yng Ngogledd Cymru Yn 1983 
• Diwygiad yn Rhosllannerchrugog
• Arloesi yn Llandudno 
• Mwy Am Y Diwygiad 
• Golygyddol 
• RHYL yn dal i fynd 
• Ynglŷn â Chefn Mawr
• Bws Mini
• Gwaed A Thân: Llyfr Newydd ar hanes Byddin yr iachawdwriaeth 
• Hanes Cynnar Y Fyddin 
• Hanes Y Fyddin Yng Nghymru, gan John Morris, Coedpoeth

Dyma ddarn ysgrifennodd un o gyn swyddogion corfflu Llanelli, Major Peter Mylechreest (wedi ymddeol):

‘Yn 1983 prynodd Cyngor Bwrdeistref Llanelli neuadd Byddin yr Iachawdwriaeth ar gyfer datblygu heolydd. O ganlyniad i hynny, roedd aelodau’r corfflu yn Llanelli eisiau neuadd newydd, un oedd wedi’i adeiladau’n bwrpasol ac yn addas ar gyfer addoliad a gwaith cymunedol. Roedd cynlluniau corfflu yn fwy drud na’r arian cawson nhw gan y cyngor ac felly dechreuodd y corfflu godi arian mewn sawl ffordd. 

‘Roedd rhai o’r gweithgareddau yn cynnwys neidiau parasiwt gan swyddog y corfflu ac ambell aelod arall. Cawson nhw gyfarwyddiadau ym maes awyr Abertawe ynglŷn â sut i reoli’r parasiwt, y ffordd gywir o lanio a phryd i dynnu’r cortyn argyfwng!

‘Tra eu bod yn cerdded tuag at yr awyren chwaraeodd ensemble yr emyn “Nearer my God to Thee”. Yn ffodus, aeth bob dim yn iawn. Dyma ambell bennawd o bapurau newydd lleol: “Heavens above, it’s the Salvation skydivers”,  “Coming in on a wing and a prayer” and “Salvationists put faith in a sky dive”. Roedd hefyd erthygl ym Mloedd y Gad gyda’r teitl “Naid Ffydd”.  

‘Llwyddodd y digwyddiad i gasglu swm sylweddol o arian a roddodd hwb i waith Byddin yr Iachawdwriaeth. Dywedodd un o’r rheini a wnaeth neidio, “Roedd yr olygfa dros y Gwŷr yn anhygoel”. Dywedodd un arall, “Roedd hi’n brofiad mor heddychlon”. Dywedodd y llall gyda gwên, “Doeddwn i bendant ddim yn meddwl am fy ngwaith!” 

‘Tair blynedd yn ddiweddarach, yn 1986, cafodd yr adeilad newydd ei agor yn swyddogol.’ 

Gweddi

• Gweddïwch dros bawb sy’n clodfori Duw yng Ngogledd Ddwyrain Cymru.