Diwrnod 37: Gweddïo dros y rheini sydd angen cefnogaeth (1910)

Gorffennaf 24ain

Diwrnod 37 o 150 Diwrnod o Weddi.

‘Disgwyl am yr arglwydd! Dos y ffordd mae e’n dweud a bydd e’n rhoi’r gallu i ti feddiannu’r tir. Byddi’n gweld y rhai drwg yn cael eu gyrru i ffwrdd.’ (Salm 37:34).

1910

Yn y flwyddyn hon, agorwyd Tŷ Diwydiannol i Fenywod yng Nghaerdydd. Bron i 20 o flynyddoedd yn gynharach, yn 1892, daeth Bessie Harding i dŷ arall yng Nghaerdydd a gafodd ei redeg gan Fyddin yr Iachawdwriaeth. Gellir dod o hyd i’w stori drist a chymhleth mewn cyfriflyfr yn cynnwys iaith ag agwedd sy’n nodweddiadol o Oes Fictoria.

Llyfr Datganiad Merched III (Gwlad)

Enw: Bessie Harding
Man geni: India
Ers pryd yn gwympedig? 3 mis
Achos y cwymp cyntaf? Wedi dyweddïo â dyn ifanc – wedi ei cham-arwain.
Wedi dechrau yfed? Nac ydy
Wedi bod yn anffyddlon? Nac ydy
Wedi bod i’r carchar? Nac ydy
Wedi bod mewn tai eraill, ymhle? Ydy, Caerloyw
Gydag afiechyd, neu wedi bod? Nac ydy
Tad? Nac oes
Ers pryd yn farw? 11 o flynyddoedd
Mam? Oes, yn Awstralia
Brodyr? 3
Chwiorydd? 4
Wedi priodi? Nac ydy
Plant? Nac oes
Yn feichiog? Ydy
Wedi bod i wasanaeth Byddin yr Iachawdwriaeth? Ymhle? Ydy, Penarth
Nodweddion ychwanegol: Mae Bessie yn ferch gyflym ac egnïol.

Datganiad Olaf

I ble yr anfonwyd? Tŷ achub, Caerdydd
Golwg personol: Byr, gwedd golau, talcen amlwg, llygaid glas.
Tystiolaeth ei bod wedi cael ei hachub? Proffesedig
Ymddygiad yn y tŷ: Da
Anianawd a galluoedd: Tymer tanbaid, twyllodrus, gweithiwr teg, gwniadwraig glyfar.
Rheswm dros adael y tŷ? Genedigaeth
Dyddiad gadael: Tachwedd 30ain, 1892

Sylwadau

Cafodd Bessie ei magu yn barchus ac yn ferch ysgol Sul. Roedd hi’n bryder i’w ffrindiau, yn wyllt a heb reolaeth. Cwrddodd â dyn mordwyol ac aeth i fyw gydag ef am wythnos, a gadawodd am y môr yn addo y byddai’n dod adref a’i phriodi. Gan ei bod hi’n feichiog, daeth yma gydag Uwch-arolygydd yr ysgol Sul. Rydym yn credu bod Bessie wedi dysgu gwers na fyddai’n ei hanghofio yn hawdd iawn

Gweddi

Gweddïwch dros bawb sy’n troi at Fyddin yr Iachawdwriaeth pan fydd angen cymorth arnynt.
Gweddïwch y bydden nhw’n dod o hyd i gariad a chymorth ymarferol.